Niu Early Learning Centre (Tongan Version)
Enrolment or waitlist enquiries
221 Woodham Road, Linwood North School,
Linwood,
Christchurch
Welcome
Kia Ora

Our Teachers

Stephanie Olliver
Head Teacher
Bachelor of Teaching and Learning (ECE)
Makeleta Mohi
Teacher
Bachelor of Education
Lineti Punavai
Teacher
Bachelor of Teaching and Learning (ECE)
Caroline Eatwell-McKeogh
Teacher
Diploma of Teaching (ECE)
Uta Siose
Teacher
Diploma of Teaching (ECE)
Jessica Bazzarelli
Teacher
Graduate Diploma of Teaching (ECE)
Latu Filiai
Teacher
Tongan Diploma of Education (Primary)


Our Education Service Manager, or ESM, is an important member of our teaching team.  Based at Kidsfirst Head Office, she is on site regularly to observe our programme, give us feedback and professional support, and encourage us toward continuous educational improvement. Please feel free to talk with her about your child’s kindergarten/centre experience..

 

Our ESM is Raewyn Penman

 

Our Hours Are...

Session Mon Tue Wed Thu Fri
Full-day 9:00-15:00 9:00-15:00 9:00-15:00 9:00-15:00 9:00-15:00

We are able to talk to parents and caregivers most of the time, so please make an appointment if you'd like to do this. EMAIL US HERE

Click here for english

 

Ko e lea “Niu” ‘oku uhinga ia ki he ‘akau ko e “Niu” ‘a ia ‘oku fa’a taku ko e Niu ko e “’akau ‘o e moui”.

 

Kidsfirst Niu Early Learning Centre ko ha feitu’u ‘oku mau fakamamafa’i mo tauhi ‘a hono lau kita ko e Tonga, mo hono ngaue’aki ‘a e lea fakafonua, to’onga sivilaise fakafonua pea mo hono kalatua mo hono akonekina ‘a e to’onga moui fakakalisitiane. 

‘Oku fakahoko kotoa eni ‘i malumalu ‘o e mafai pule’i mo e tataki ‘a e Canterbury Westland Free Kindergarten Association (Inc) ‘a ia ‘oku nau ‘iloa ko e Kidsfirst Kindergartens.

 

 

 

“Pukepuke ‘a fufula”

”Ko e ngaue ko ‘eni ‘oku mau fai ‘oku fakahoko ‘aki ia ‘a e lelei taha koe’uhi ko hono mahu’inga ‘i he kaha’u”

 

Mālō e lelei, Tēnā koutou katoa, Talofa lava, Bula vinaka, Fakalofa lahi atu, Mālō ni mauri,

and warm Pasifika greetings to you all

 

‘Oku mau fiefia ke talitali fiefia kimoutolu ki homau ‘apiako ni, Kidsfirst Niu Early Learning Centre, ‘oku tu’u ‘i he kelekele ‘o e Linwood North School, Linwood.  Ko ha faingamalie foki ‘eni ‘e malava ai ke feako’aki ai ‘a e fanau iiki mo honau fanga ta’okete ‘oku ako ‘i he Linwood North School.  ‘Oku ui foki ‘a e ako’anga ni ko e Niu ‘o fakatefito eni ‘i he mahu’inga mo hono ‘aonga kakato ‘o e fu’u ‘akau ni.  ‘Oku ‘aonga hono kupu kotoa pe ki he tangata Tonga ki he mo’ui lelei, ‘aonga lahi hono ngaahi konga lahi ki he langa nofo’anga, tokoni’i ‘a e tangata ke fakakakato ‘e ne fiema’u- pea ‘oku pehē ‘a ui ‘a e Niu ki he ako’anga ni ko ha teu’i kakato ‘o e fānau Tonga mo ha fānau pe ki he mo’ui ‘aonga mo kakato ‘I he kaha’u.

 

‘Oku mau fiefia foki ke fakahoko homau fatongia ni mo ha kau ngāue kuo nau ma’u tohi fakamo’oni ako mo poto’i ngaue ke fakahoko ‘a e ngaahi fiema’u fakapolokalama ma’a e fānau ta’u 0 ki he ta’u 5.  Ko homau fatongia foki ke poupou mo tokoni’i ‘a e longa’i fānau ke nau ako fiefia. ‘I he ngaahi poupou mo e tokoni ko eni ‘oku mau fai ‘oku fakamamafa’i ai foki hono ngaue’aki ‘o e lea faka-Tonga, ‘ulungaanga faka-Tonga (culture).  Ko e tefito’i to’onga mo e ‘ulungaanga faka-Tonga, ‘oku fatu ia mei he Tui faka-Kalisitiane.  Ko homau fatongia foki ko hono fakahoko ‘a e ngaahi ‘uuni me’a ni ke a’usia ‘e he fānau ‘i he ngaahi founga hangē ko e hiva, talanoa, mo e lotu.  ‘Oku fakatefito foki ‘a e ngaahi fua fatongia ko eni mei hono fakava’e’aki ‘a e ‘OFA (love) mo e poupou’aki ‘a e faa’i kavei koula ‘a e loto-too (humility) faka’apa’apa (respect) mamahi’i- me’a (loyalty) tauhi- vaha’a(maintaining good relationship). 

 

‘Oku fakatefito mo fakataumu’a ‘emau fakahoko fatongia ni ‘i he ‘aatakai mo e filosofia ko hono tokoni’i mo poupou ta’etoe veiveiua ‘a e ako ‘a e fanau mo honau manako.  Ko e kau faiako, ‘oku nau poupou mo ngaue’aki ‘a e ngaahi founga lea, mo e pōto’i faiako ke fakalakalaka ‘a e ako ‘a e fānau ke nau malava ‘a e solova ‘o ha palopalema, moe ngaahi me’a ‘oku faingata’a.  ‘Oku nau tokoni’i foki ‘a e longa’i fānau ke nau  tokanga mavahe ki he ‘enau ako ‘oku fai.  ‘Ikai ngata pe foki ‘i he ngaahi me’a ko ‘eni ka ‘oku malava foki ke poupou mo tokoni’i ē fānau ke nau vivili atu ‘oua ‘e loto fo’i pea ke nau loto to’a mo loto malohi mo lava me’a.

 

Pukepuke ‘a fufula:   Ko e pukepuke ‘a fufula, ko hono toe fakamanatu mai pē kiate kitautolu ngaahi famili ke ‘etau tokanga mavahe ki hono ako’i mo toe ‘ohake ‘etau fanau ‘i he lolotonga ni ke nau ako ke nau maa’usia ‘a e koloa tukufakaholo ko ia ‘a e Tonga ko e ‘ulungaanga mo e lea faka-Tonga. Neongo ‘e ne hā ngali faingata’a ka ‘oku fai pē ‘a e feinga ke fakahoko ‘a e fatongia ni.  ‘Oku mau tui foki ko e feohi fiefia, moe fakahoko fatongia ko ‘eni, ‘oku malava ia ‘i he fepōtalanoa’aki, mo e feohi vāofi mo  kimoutolu ngaahi fāmili pea pehē foki ki he kāinga ‘i he komiunitii.  ‘Oku mau fiefia foki fai ha talanoa mo kimoutolu ki ha me’a mahu’inga ‘oku ke faka’amu ke tau fekau’aki ai mo ha lelei ke fakahoko ‘aki hono ako’i ‘etau fānau ‘i he ako’anga ni.  ‘I he lolotonga ni ‘oku mau ma’u heni ha kau faiako ‘oku nau poto’i lea faka-Tonga mo ha kau faiako ‘oku nau lava ‘a e ngaahi lea kehe foki.

 

‘Oku fakaafe’i atu kimoutolu kotoa pe ngaahi fāmili mo e kāinga ‘o e komuinitii ke mou me’a mai ha taimi pe ‘oku ke fiema’u.  Ko e matapaa ‘oku ‘ataa ia ki ha taha pē.  ‘Oku mahu’inga kia kimautolu ‘etau feohi pea mo ‘etau vāofi ke tau ngāue fakataha ‘i hono pouaki ‘a e ako ‘a ‘etau fānau.  Ko eni ha faingamālie ke tau kaungā kau fakataha mo e ngaahi matakali kotoa pe ‘oku nau kau mai ki he senitaa ni, ke tau fakahoko ‘a e ngaahi ako ma’a ‘etau fānau.  ‘Oku tau kaungā fiefia mo haka i langitau ‘i he malava ke tau hoko ko e kakai mei he Pasifiki ka ‘oku tau fakataha ‘i he ‘ako’anga ni. Ko ia ka ‘oku ke faingamālie pea ke me’a mai ke tau vahevahe ‘a ho’o fakakaukau.  Neongo ‘a e ngaahi femo’uekina ka ko ho’o me’a mai ke tau feohi ko e koloa lahi ia kia kimautolu.

 

‘Oku mau fa’a lava atu foki ‘o ‘a’ahi mo feohi mo e ngaahi kāinga ‘o e komuinitii pea ko e taha eni ha fakalotolahi mo toe fakamalohi ‘a emau fie kaungā kau mo kimoutolu. ‘Oku pehē foki ‘a e feohi ‘oku mau fai, pea mo e ‘apiako Linwood North School ki hono tokoni’i e fānau teuteu kenau hu atu ki ai.

 

‘Oku fakahoko foki ‘a e polokalama ako ‘i he houa ‘e ono (6) he ‘aho kotoa pe mei he 9.00 pongipongi ki he 3.00 efiafi (9am-3.00pm).  Ko e taimi lelei ‘eni ki he ngaahi fāmili ‘oku ‘i ai ha’amou fānau lalahi ‘i he ako’anga palaimeli ki he taimi hono ‘ave mo ‘omai kinautolu ‘i he taimi tatau mo hono tuku mai mo ‘ave ho’o ki’i tamasi’i  mei he Kidsfirst Niu Early Learning Cente.  Kapau ‘oku ke fakakaukau ke fakahū mai ho’o ki’i tamasi’i, ‘oku mau faka’amu ke hu mai ‘o ‘oua toe si’i ange he ‘aho ‘e ua he uike koe’uhi ke malava ‘a e ki’i tamasi’i ‘o ma’u faingamālie lelei ke feohi mo e faiako,  pea malava foki ‘e he faiako ke feohi mo fe’ilongaki mo e ki’i tamasi’i.

 

Me’a mai ha fa’ahinga taimi pē – ‘Oku mau talitali fiefia koe mo ho famili

Ko te reo te tuakiri. Ko te reo toku ahurei.  Ko te reo te ora.

Language is my identity. Language is my uniqueness. Language is life.

Malo e lava mai - welcome

 

Konstruk Content Management System